За парай сокалаў-пусцельг, якія загняздзіліся на шматпавярховай жылой хаце ў Берасці, пасродкам усталяванай вэб-камеры наглядалі ўжо людзі з 130 краін свету.
У сярэдзіне красавіка грамадская арганізацыя “Ахова птушак Бацькаўшчыны” запусціла інтэрнэт-праект “Сокал-пусцельга анлайн”.
Назіраць за жыццём птушак можна па гэтай спасылцы: http://birdwatch.by/pustalga_brest2011
Пусцельга – невялікі сокал памерам з голуба. Самцы адрозніваюцца ад самкі шэрай галавой і хвастом. У апошнія гады па ўсёй краіне назіраецца сінантрапізацыя выгляду, г.з.. птушкі ўсё больш і больш гняздуюцца ў гарадах. Ужо ёсць лакальныя папуляцыі птушак у Менску, Гародні, Баранавічах, Берасці і інш. буйных гарадах. Берасцейская папуляцыя віда з’яўляецца самай буйнай і налічвае парадкам 50 пар.
Звычайна арнітолагі раяць не знаходзіцца доўга зблізку птушыных гнёздаў, т.я. птушкі пакідаюць іх і змешчаныя ў іх яйка або птушаняты могуць астыць. Але інтэрнэт-праект падаў унікальную магчымасць быць у непасрэднай блізкасці да самых інтымных таямніц жыцця птушак.
Сёлета сокалы пад назіраннем камеры адклалі 5 яйкаў і ў цяперашні час абодва бацькі па чарзе іх наседжваюць. Перыяд інкубацыі яйкаў у пусцельгі складае 28-30 дзён. Са дня на дзень чакаецца з’яўленне птушанят.
Паводле: http://ale.by/cat/brest
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…