Пасля двух гадоў сумеснай працы беларускага вакальнага трыа “Akana” і швейцарскага джаз бэнду “Albin Brun Alpin Ensemble” убачыў свет першы ў гісторыі беларускай музыкі інтэрнацыянальны этна-джазавы альбом KAZALPIN.
Прэзентацыя альбома KAZALPIN адбудзецца ў шэрагу гарадоў Швейцарыі (Luzerne, Baden, Boswil, Liestal, St. Gallen, Zuerich, Altdorf, Aarburg) і Беларусі (Менску, Рэчыцы, Гародне і ў Берасці).
Albin Brune Alpin Ensemble – вядомыя музыкі Швейцарыі. Іх фатаграфіі захоўваюцца ў музеях, звесткі пра іх ёсць у энцыклапедыях сусветнага джаза, у многіх з іх ёсць свае аўтарскія праекты, школы і паслядоўнікі. Іх музыка дыхае традыцыямі Альпійскай культуры і класічнага мадэрну.
Akana – беларускі джаз-фолк-калектыў, які ўжо шмат гадоў беражліва збірае старажытныя напевы па беларускіх вёсках і прадстаўляе народныя песні, як у іх арыгінальным гучанні, так і ў абрамленні джазавай музыкі.
У Берасце завітаюць гэтыя гурты 7 снежня. Канцэрт пройдзе ў АГКЦ па вуліцы Камуністычнай 1. Пачнецца прэзентацыя альбома KAZALPIN а 19 гадзіне. Уваход будзе каштаваць 20.000-25.000 рублёў. На канцэрце можна будзе набыць унікальны дыск з Kazalpin, які быў запісаны на Нardstudios у Швейцарыі.
Пра падрабязнасці канцэрта можна даведацца па тэлефону +375297273097 альбо тут.
Фота: experty.by
Для Наталлі кожны акорд, кожная нота – гэта магчымасць падарыць людзям радасць і натхненне, што…
Мы ёсць тое, што мы ямо. Так, вельмі знаёмы выраз, але не меней ёмкі. Наша…
Праект Pet-à-Porter ў Берасці – гэта інтэрнэт-пляцоўка, якая дапамагае сустрэць жывёлу і будучага гаспадара. Фатографы,…
Жывёлы, на наш погляд, не толькі сябры чалавека, але і істоты, якія значна паляпшаюць нашае…
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
