Парыжская Вышэйшая нармальная школа (École normale supérieure, ENS) запрашае перспектыўных замежных студэнтаў на двух- або трохгадовы курс з атрыманнем стыпендыі.
Штогод парыжская Вышэйшая нармальная школа (École normale supérieure, ENS) арганізоўвае міжнародны адбор, прапаноўваючы прыкладна 30 найбольш перспектыўным замежным студэнтам прайсці двух- або трохгадовы курс. Яны атрымліваюць месячную стыпендыю ў памеры прыкладна 1000 еўра і размяшчацца ў студгарадку ENS.
Запрашаюцца студэнты апошняга курсу, аспіранты першага года.
Умовы адбору:
Патрабаванні для заяўнікаў наступныя:
– Прадставіць доказы, што вы не маеце французскага грамадзянства;
– Вам павінна быць менш за 26 гадоў на 1 верасня 2012 года;
– Падаваць заяву на ўдзел у гэтай праграме можна толькі раз;
– Вучоба ва ўніверсітэце за межамі Францыі;
– Быць на апошнім курсе навучання перад атрыманнем дыплома аб вышэйшай адукацыі (дзейнічае да 1 верасня 2012 года);
– Або на першым курсе аспірантуры (паслядыпломнай адукацыі) (акрамя кандыдатаў па матэматыцы) пры ўмове паступлення на першы год магістратуры ў ENS на 1 верасня 2012.
Журы па матэматыцы аддасць перавагу кандыдатам другога ці трэцяга курсу аспірантуры (магістратуры). У якасці выключэння могуць быць прынятыя студэнты, якія пачалі навучацца ва Францыі пасля 1 жніўня 2011 года.
Працэс адбору:
– Няма ніякай спецыяльнай праграмы для гэтага адбору. На першым этапе адбіраюцца студэнты ў адпаведнасці з прадстаўленымі звесткамі. Затым праводзіцца сумоўе з кандыдатамі з мэтай ацаніць іх здольнасці да аналізу, асэнсавання і сінтэзу, з улікам іх навуковай ці літаратурнай культуры, цікаўнасці і актуальнасці праекта даследавання;
– Кандыдаты запаўняюць анкету, што размяшчаецца на сайце, са студзеня да 15 сакавіка 2012 года;
У маі іх праінфармуюць пра вынікі папярэдняга адбору;
– Кандыдаты, чые заявы адбяруць, будуць асабіста запрошаныя ў Парыж, дзе яны напішуць тэст і адразу пасля гэтага пройдуць сумоў’е. Праз некалькі дзён вынікі будуць абнародаваныя. У цэлым гэта зойме два тыдні;
Заняткі пачынаюцца ў сярэдзіне верасня.
Курс:
Падчас навучання студэнты працуюць, каб атрымаць як ступень магістра ў галіне навуковых даследаванняў (еўрапейскі дыплом) у адным з парыжскіх універсітэтаў – партнёраў ENS, абраных у адпаведнасці з праектам даследавання, так і дыплом ENS аб дадатковай адукацыі.
Дэдлайн 15/03/2012
Паводле Адукацыя.інфо
Для Наталлі кожны акорд, кожная нота – гэта магчымасць падарыць людзям радасць і натхненне, што…
Мы ёсць тое, што мы ямо. Так, вельмі знаёмы выраз, але не меней ёмкі. Наша…
Праект Pet-à-Porter ў Берасці – гэта інтэрнэт-пляцоўка, якая дапамагае сустрэць жывёлу і будучага гаспадара. Фатографы,…
Жывёлы, на наш погляд, не толькі сябры чалавека, але і істоты, якія значна паляпшаюць нашае…
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…