Як паведамляе Праваабарончы цэнтр “Вясна”, 8 траўня ў 13 гадзін каля парку Чэлюскінцаў невядомымі ў цывільным былі затрыманыя барды Ігар Сімбіроў і Зміцер Бартосік. Іх гвалтам зацягнулі ў аўтамабіль “Мерсэдэс” чорнага колеру.
Як паспеў паведаміць па тэлефоне Сімбіроў, яго вязуць у суд Менскага раёна і г. Заслаўя. Магчыма, суддзя Аляксей Мініч прыняў рашэнне працягнуць разгляд адміністратыўнай справы, якая была перанесеная на 18 траўня. Па неправеранай інфармацыі, Зміцера Бартосіка адвезлі ў РУУС Першамайскага раёна Менска.
Планавалася, што затрыманыя барды прымуць удзел у запісе праграмы на Радыё “Свабода”.
Нагадаем, 6 траўня вечарам Ігар Сімбіроў разам з бардам Зміцерам Бартосікам і 12 слухачамі былі затрыманыя на станцыі “Зялёнае” пасля канцэрту на вольным паветры. У аддзяленні міліцыі ў Ждановічах на Сімбірова склалі адміністратыўны пратакол. Яго звінавацілі ў непадпарадкаванні міліцыі пры затрыманні, у тым, што ён лаяўся і размахваў рукамі.
7 траўня распачаўся суд, аднак па прычыне дадатковага выкліку сведак суддзя перанес паседжанне на 18 траўня.
Змітра Бартосіка выпусцілі з пастарунку.
Урэшце, Ігара Сімбірова пакаралі арыштам у 15 сутак. Сведкамі на працэсе выступалі міліцыянты Леонаў, Бурак, Казлоў і Лапцэвіч. У сваіх паказаннях яны супярэчылі адзін адному і рапартам аб затрыманні. Ігар Сімбіроў мае намер абскарджваць прысуд.
Крыніца: spring96.org
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…
