22 верасня 2014 – Кампанія «У Беларусь і Еўропу — БЕЗ ВІЗЫ!» шукае актыўных маладых людзей, якія мараць падарожнічаць без віз і жадаюць зрабіць для гэтага як мага больш ад іх залежнага. Набор новых валанцёраў, якія гатовыя далучыцца да ініцыятывы дзеля спрашчэння візавага рэжыму паміж Беларуссю і ЕС, адкрыты да 10 кастрычніка.
Абраныя ў кампанію «У Беларусь і Еўропу — БЕЗ ВІЗЫ!» новыя валанцёры будуць мець магчымасць:
– далучыцца да актыўнай суполкі і знайсці сяброў-аднадумцаў;
– даведацца больш пра візавую праблему і шляхі яе вырашэння;
– атрымаць інфармацыю пра Малы памежны рух і звязаныя з ім магчымасці;
– зрабіць асабісты ўнёсак у справу скасавання візавага бар’еру паміж Беларуссю і ЕС;
– заняць вольны час вясёлай і карыснай справай для сябе, іншых жыхароў Беларусі і замежных сяброў.
Новыя валанцёры набудуць неабходныя ім веды на адмысловых трэнінгах, якія пройдуць ў некалькіх гарадах Беларусі. Арганізатары кампенсуюць выдаткі звязаныя з удзелам у падзеях праекту.
Для падачы заяўкі на ўдзел неабходна запоўніць электронную анкету. Адбор новых валанцёраў будзе ладзіцца на падставе іх адказаў у анкеце. Дэдлайн падачы заяўкі — 10 кастрычніка. Вынікі адбору будуць абвешчаныя да 15 кастрычніка.
Водгук пра валанцёрства ў кампаніі «У Беларусь і Еўропу — БЕЗ ВІЗЫ!» ад вопытнага актывіста Вольгі:
«Для мяне быць валанцёрам — добрая мажлівасць для самарэалізацыі праз дапамогу кампаніі, мэты і ідэі якой я цалкам падзяляю. Прыемна асэнсоўваць, што я раблю невялічкі ўнёсак у дзейнасць кампаніі, такім чынам набліжаючы нас да яе асноўнай мэты: адмены візавага рэжыму паміж Беларуссю і ЕС. Я займаюся арганізацыяй мерапрыемстваў — розных акцый, канцэртаў і кватэрнікаў, каб прыцягнуць увагу грамадзянскай супольнасці Беларусі да праблемы віз, распавесці болей пра саму кампанію і зацікавіць людзей. Самае галоўнае — верыць у тое, што робіш, тады ўсё атрымаецца!»
Больш інфармацыі: пра валанцёрскі рух «Без візы» і пра дзейнасць кампаніі «Без візы»
Па дадатковых пытаннях звяртайцеся на info@novisa.by.
Для Наталлі кожны акорд, кожная нота – гэта магчымасць падарыць людзям радасць і натхненне, што…
Мы ёсць тое, што мы ямо. Так, вельмі знаёмы выраз, але не меней ёмкі. Наша…
Праект Pet-à-Porter ў Берасці – гэта інтэрнэт-пляцоўка, якая дапамагае сустрэць жывёлу і будучага гаспадара. Фатографы,…
Жывёлы, на наш погляд, не толькі сябры чалавека, але і істоты, якія значна паляпшаюць нашае…
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
