Новым рэктарам ЕГУ абраны прафесар Дэвід Полік, які часова выконваў абавязкі рэктара. Кандыдатуру зацвердзіў агульны сход заснавальнікаў.
Пра абранне рэктарам Дэвіда Поліка паведамляе сайт Naviny.by. Амерыканскі прафесар прыехаў у Вільню год таму і пачаў працаваць прарэктарам і галоўным аперацыйным дырэктарам ВНУ. У кастрычніку ён стаў часова выконоваць абавязкі рэктара ЕГУ пасля таго, як з гэтай пасады сышоў Анатоль Міхайлаў.
Продкі (бабуля і дзядуля) Дэвіда Поліка (David Pollick) паходзяць з Беларусі, але ён не валодае ані беларускай, ані расейскай мовамі. Цяпер вывучае расейскую.
Спіс прэтэндэнтаў на пасаду рэктара ЕГУ уключаў шэсць імёнаў. У тым ліку тры грамадзяне Беларусі, а таксама тры грамадзяне ЗША.
Да прыезду ў Літву прафесар Полік займаў пасаду прэзідэнта ў чатырох амерыканскіх вышэйшых навучальных установах: школе Чыкагскага інстытута мастацтваў, каледжы Лебанон-Вэлі, Бірмінгемскім паўднёвым каледжы і Дзяржаўным універсітэце Нью-Ёрка (аддзяленне ў Кортландзе), дзе быў выканаўцам абавязкаў прэзідэнта і віцэ-прэзідэнтам па акадэмічных пытаннях. Таксама працаваў дэканам факультэта мастацтваў і навук і дацэнтам філасофіі ў Сіэтлскім універсітэце ў Вашынгтоне.
У біяграфіі новага рэктара ЕГУ нямала цікавых фактаў. Напрыклад, яго гучны сыход у адстаўку ў 2010 годзе з пасады прэзідэнта Бірмінгемскага паўднёвага каледжу пасля серыі бухгалтарскіх памылак і перарасходу фінансаў. Як піша al.com, Дэвід Полік «пакінуў элітную школу гуманітарных навук з глыбокімі фінансавымі цяжкасцямі».
Паводле дадзеных Forbes.com у 2010 David Pollick займаў трэці радок у спісе самых высокааплачваемых прэзідэнтаў прыватных каледжаў ЗША з прыбыткам $2.31 млн.
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…