Сучасная моладзь не хоча працаваць доўга на адным месцы і ўтрымаць яе традыцыйнымі пернікамі працадаўцам робіцца усё цяжэй, але некаторыя і не спрабуюць, а нават наадварот абяцаюць перспектыву зыходу ў іншую фірму як бонус.
Летась 20-24 гадовыя супрацоўнікі працавалі ў ЗША на адным месцы меней 16 месяцаў. А 24-25 гадовыя – тры гады. Пасля 25 пакаленне Y змяняе працу ў сярэднім 5.5 разоў на год. Пра новы падыход да рынку працы піша The Wall Street Journal.
Пакаленне, якое нарадзілася ў апошнія два дзесяцігоддзі XX ст., займае усё большую частку рынку працы і кампаніі намагаюцца выдаткоўваць шмат сілаў, каб утрымаць маладых супрацоўнікаў, якія распешчаныя глабалізацыяй і інтэрнэтам. Але ёсць і іншыя, што абралі адваротную стратэгію: атрымаць ад маладых супрацоўнікаў максімум пакуль яны ў штаце.
Глабальныя кампаніі кшталту Visa і Coca-Cola хвалююцца за нізкую лаяльнасць маладых супрацоўнікаў і ўводзяць паслабленні ў трэс-кодзе ды адмысловыя «парады моладзі», які выказваюцца па ўсіх ключавых пытаннях, ад канцэпцыі маркетынгавых кампаній да працоўнай палітыкі. Ernst & Young і Philips запусцілі праграму стажыроўкі за мяжой, каб моладзь пабачыла свет і навучылася лідарству.
Кампанія LinkedIn дзеліць кар’ерны шлях супрацоўнікаў на вахты, што цягнуцца пару год. Кіраўніцтва ўзгадняе з супрацоўнікам мэты, якія ён мусіць дасягнуць за азначаны час. Аднак ніхто не будзе мець прэтэнзій, калі супрацоўнік па выніку тэрміна здасць вахту і звольніцца. Гендырэктар праграмісцкай фірмы Kapost пайшоў яшчэ далей: ён стварае імідж сваёй пляцоўкі як разгоннай для далейшай кар’еры і сцвярджае, што мае чаргу з моладзі, якая ломіцца працаваць у яго. Даследніцкая кампанія Cognolink таксама робіць сваёй фішкай хуткую кар’еру для моладзі з працягам у іншых фірмах: «Натрэніраваць супрацоўнікаў, каб усе хацелі іх пераманіць», – гаворыць яе дырэктар.
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…