У Берасцейскай крэпасці пачалася рэканструкцыя руінаў езуіцкага калегіума. Помнік, які ахоўваецца дзяржавай, «рэканструюецца» з дапамогай сучаснага цэглы Гарынскага камбінату будаўнічых матэрыялаў. Эксперты лічаць, што такі метад рэканструкцыі проста не дапушчальны.
«Да захопу Расейскай імперыяй Берасцейшчыны на гэтым месцы знаходзіўся калегіум езуітаў, які існаваў з XVII стагоддзя да сярэдзіны XIX стагоддзя, – распавёў «Белсату» прадстаўнік «Руху за свабоду» з Берасця Дзяніс Турчаняк. – Расейскія вайскоўцы канфіскавалі будынак, перабудавалі і выкарыстоўвалі для вайсковых патрэбаў. Ужо ў савецкі час, пры пабудове мемарыялу «Крэпасць-герой» частку будынку знеслі, таму што на гэтым месцы вырашылі будаваць галоўны манумент Берасцейскай крэпасці».
У любым выпадку разваліны ды наагул уся Берасцейская крэпасць – гэта гістарычны помнік, які мусіць ахоўвацца дзяржавай.
«Я пакуль не ведаю дэталяў, але з убачаных мною фотаздымкаў вынікае, што правядзенне рэканструкцыі падобным чынам недапушчальнае, – заўважыў старшыня Беларускага добраахвотнага таварыства аховы помнікаў гісторыі і культуры Антон Астаповіч – Усё ж гэта помнік XVII-XVIII стагоддзяў, і праводзіць работы гэткім чынам проста ненармальна. Але мы ўжо не раз пераконваліся, што ў Беларусі бывае і не такое. У бліжэйшы час займуся гэтым пытаннем ушчыльную».
А вось дырэктар Берасцейскай крэпасці Рыгор Бысюк не бачыць у падобнай рэканструкцыі нічога заганнага:
«Вы ж бачыце, у якім стане руіны, мы мусім усё ўмацаваць і кансерваваць, інакш у хуткім часе нічога наагул не застанецца. У крэпасці шмат чаго трэба зрабіць, але грошай не хапае. Я разумею, што гэта цэгла выглядае не эстэтычна, але гэта найлепшы варыянт з тых, што ў нас маюцца. Працы праводзяць нашыя спецыялісты, яны лічаць, што гарынская цэгла адна з самых найлепшых. Плануем скончыць працы да канца верасня, тады ўсё будзе выглядаць інакш», – распавёў журналістам дырэктар Берасцейскай крэпасці.
Для Наталлі кожны акорд, кожная нота – гэта магчымасць падарыць людзям радасць і натхненне, што…
Мы ёсць тое, што мы ямо. Так, вельмі знаёмы выраз, але не меней ёмкі. Наша…
Праект Pet-à-Porter ў Берасці – гэта інтэрнэт-пляцоўка, якая дапамагае сустрэць жывёлу і будучага гаспадара. Фатографы,…
Жывёлы, на наш погляд, не толькі сябры чалавека, але і істоты, якія значна паляпшаюць нашае…
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…