У рамках праекта “Ёсць Размова” АРР “Дзедзіч” запрашае берасцейцаў на сустрэчу са знакамітым тату-майстрам Алесем Таболічам.
Наведвальнікі даведаюцца шмат цікавага аб беларускай татуіроўцы: трэнды, сюжэты, жанры тату — не толькі нацыянальны арнамент, але і нават олдскул па-беларуску!
–Калі гэтыя тэндэнцыі сталі моднымі і хто іх пачынаў? Што зараз у трэндзе?
“Беларускі арнамент самы папулярны. А ёсць яшчэ беларуская эклектыка, шрыфтавая кампазіцыя…” — гаворыць Алесь Таболіч.
26 верасня ў Берасці ён таксама распавядзе пра перманентны макіяж і адкажа на ўсе пытанні, што хвалююць публіку. Таксама на сустрэчы можна будзе пабачыць эксізы татуіровак, абмеркаваць нацыянальныя матывы, узоры.
Прыходзьце на бясплятнае мерапрыемства — даведацца больш пра фолк-матывы ў тату, пра малюнкі “Пагоні” на целах беларусаў і партрэты герояў мінулых часоў. Падрабязнасці тут.
Калі: 26 верасня, субота, 18:30.
Дзе: г. Брэст, вул. Маякоўскага 46–1.
Хто: Алесь Таболіч, тату-майстар, музыкант.
Уваход вольны.
Даведка:
“Ёсць Размова” — праект агенцтва рэгіянальнага развіцця “Дзедзіч”, у рамках якога берасцейцаў чакаюць сустрэчы з цікавымі людзьмі (гісторыкамі, падарожнікамі, літаратарамі, музыкамі) і займальныя лекцыі. Гэтыя бясплатныя мерапрыемствы накіраваны на развіццё інтэлектуальных зносін у Берасці, на фарміраванне ў публікі больш аб’ектыўных поглядаў на гісторыю, культуру, эканоміку Беларусі і павышэнне ўзроўню грамадзянскай актыўнасці.
У непрыкметным куточку Берасця, на вуліцы Дзмітрыя Данскога, 11, паўстала ўнікальная гастранамічная ініцыятыва, якая ўжо…
У самым сэрцы Берасця, у яго гістарычнай нетрах, схавалася загадкавае месца, прасякнутае векавымі легендамі: старажытныя…
Ёсць асобы, вядомыя нам з падручнікаў гісторыі і музейных выяваў, а ёсць тыя, што пакінулі…
Пацяплела, і на вуліцы горада выйшлі людзі. Савецкая ператварылася ў людское мора. І толькі гукі…
Вольнага часу ў Ганны Абрамчык амаль няма. Наша гутарка заспела яе ў дарозе, прыйшлося некалькі…
Алена – прадстаўнік зусім не тусовачнага пакалення. Канцэрты ў парку ці ДК – не пра…