Сонечныя краіны для самых актыўных!

Моладзь ва ўзросце ад 20 да 29 гадоў запрашаецца да ўдзелу ў праграме лідарства “Altemus“. Навучанне адбудзецца ў сярэдзіне жніўня 2016 года ў Гішпаніі ды Партугаліі.

Праграма скіравана на развіццё лідарскіх якасцей і навыкаў, набыццё новага досведу працы з супольнасцю і міжнародны абмен.

Удзельнікі праграмы змогуць даведацца больш пра планаванне, пастаноўку мэтаў, пабудову каманды і вырашэнне праблемаў у калектыве.

У праграмным трэнінгу возьме ўдзел міжнародная каманда кваліфікаваных прафесіяналаў. Па заканчэнні ўдзельнікі атрымаюць адпаведныя сертыфікаты.

Патрабаванні да кандыдатаў:

• грамадзянства Беларусі, Украіны, Арменіі, Грузіі, Кіргізіі, Турцыі, Расіі, Аргенціны, Бразіліі, Кубы, Чылі, Індыі , Малайзіі, Мексікі, В’етнама, М’янмы (Бірмы), Паўднёва-Афрыканскай Рэспублікі; вітаюцца ўдзельнікі з краін Балтыі, Цэнтральна-Ўсходняй Еўропы, Балканаў, а таксама прызнаныя ўцекачы, якія атрымліваюць вышэйшую адукацыю ў ЕЗ або Канадзе, ці стыпендыяты DAFI;
• узрост – 20-29 гадоў;
• валоданне ангельскай мовай;
• добрая фізічны і псіхічны стан, здольнасць вытрымаць 5-8-гадзінную вандроўку пешшу з заплечнікам вагой у 10 кг па горнай альбо пагорыстай мясцовасці.

Арганізатары заахвочваюць удзел маладых людзей, якія імкнуцця да развіцця чалавечых якасцей і лідарскага патэнцыялу.

Вітаюцца кандыдаты, якія працуюць:

• з уразлівымі сацыяльнымі групамі (дзецьмі, сталымі людзьмі, людзьмі з інваліднасцю, мігрантамі, псіхічна хворымі, моладдзю з групаў рызыкі);
• у галіне супрацьдзеяння карупцыі, дыскрымінацыі, беднасці;
• у кірунку прамоўцыі аховы навакольнага асяроддзя і адукацыі;
• у сферы сацыяльных інавацый.

Фінансавыя ўмовы

Удзел студэнтаў – бясплатны, працоўныя маюць зрабіць унёсак у памеры 75 еўра.

Пражыванне і харчаванне ўдзельнікі аплочваюць самастойна (прыкладна 45 еўра на дзень). Для невялікай колькасці ўдзельнікаў прадугледжаны стыпендыі. Кандыдаты на стыпендыі мусяць ліставаць на е-мэйл Scholarships2016@altemus.org.

Падаць заяўку можна на гэтай старонцы.

Дэдлайн – 15 сакавіка 2016 года.

З дадатковымі пытаннямі неабходна звяртацца на е-мэйл ALP2016@altemus.org. Больш інфармацыі – тут.

Крыніца: adukacyja.info.