Як змяніць грамадства праз культуру? ArtPlatform чакае адмыслоўцаў

Галерэя сучаснага мастацтва “Ў” сумесна з Еўрапейскай культурнай фундацыяй (Амстэрдам, Нідэрланды) абвяшчаюць конкурс на ўдзел у гадавой адукацыйнай праграме ArtPlatform 2016-2017.

Адукацыйная праграма накіраваная на прафесійнае развіццё беларускіх мэнэджараў культурных і сацыяльных праектаў, што маюць скіраванасць на дасягненне грамадскіх зменаў пры дапамозе культуры.

Тэматыка лекцыяў і практычных заняткаў уключае:

• ролю культуры ў развіцці мясцовых супольнасцяў і вырашэнне сацыяльных праблемаў;
• стратэгічнае планаванне;
• распрацоўка, ажыццяўленне, прасоўванне і ацэнка ўплыву культурных праектаў;
• прыцягненне рэсурсаў для ажыццяўлення праектаў;
• устойлівае развіццё арганізацыяў, кіраванне людскімі рэсурсамі ды іншае.

Працягласць праграмы – сем выязных сесій у перыяд з верасня 2016 да траўня 2017 года. Удзел – бясплатны.

Патрабаванні да кандыдатаў:

• абгрунтаванне заяўкі;
• наяўнасць досведу ў ажыццяўленні культурных і / або сацыяльных ініцыятываў;
• досвед міжсектарнай супрацы.

Каб узяць удзел, неабходна да 10 траўня 2016 года даслаць заяўку і матывацыйны ліст на е-адрас info@ygallery.by з пазнакай ArtPlatform 2016-2017.

З дадатковымі пытаннямі звяртайцеся на адрас info@ygallery.by.

Крыніца: adukacyja.info