Спашукальнік вучонай ступені будзе пазбаўляцца на пяць гадоў права абароны новай дысертацыі не толькі ў выпадку выяўлення плагіяту, але і пры выяўленні фальсіфікацыі або падлогу ў любых прадстаўленых матэрыялах.
Такое палажэнне прадугледжана ва ўказе прэзідэнта № 556 ад 17 лістапада, які ўнёс змены і дапаўненні ў палажэнне аб прысуджэнні вучоных ступеняў і прысваенні вучоных званняў у Беларусі.
Дакументам вызначаны шэраг мер, накіраваных на павышэнне якасці экспертызы дысертацый на пачатковых этапах іх разгляду.
Прадугледжаны працэдуры, накіраваныя на забеспячэнне абароны інтарэсаў спашукальнікаў і аб’ектыўнасці пры прыняцці адмоўных рашэнняў у савеце па абароне дысертацый. Спашукальнікі вучоных ступеняў набылі права выкарыстоўваць у кандыдацкіх дысертацыях матэрыялы іх магістэрскіх работ.
Акрамя таго, ва ўказе дыферэнцыяваныя патрабаванні да спашукальнікаў вучонага звання дацэнта з улікам таго, працуюць яны ў ВНУ або ў навуковых арганізацыях, а таксама прадугледжана прыраўноўванне звання старшага навуковага супрацоўніка да звання дацэнта з выдачай адпаведнага атэстата.
У мэтах эканоміі бюджэтных сродкаў абавязковае апублікаванне ў газеце аб’явы аб абароне дысертацыі заменена на размяшчэнне такой аб’явы на афіцыйным сайце ВАК.
Марына Носава, БелаПАН.
Плагіят
Для Наталлі кожны акорд, кожная нота – гэта магчымасць падарыць людзям радасць і натхненне, што…
Мы ёсць тое, што мы ямо. Так, вельмі знаёмы выраз, але не меней ёмкі. Наша…
Праект Pet-à-Porter ў Берасці – гэта інтэрнэт-пляцоўка, якая дапамагае сустрэць жывёлу і будучага гаспадара. Фатографы,…
Жывёлы, на наш погляд, не толькі сябры чалавека, але і істоты, якія значна паляпшаюць нашае…
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…