Маляваць арнамент можна наўпрост у браўзеры.
Праграміст Аляксандр Красоўскі напісаў праграму для зручнага малявання беларускага арнаменту. Запусціць яе можна ў любым браўзеры з падтрымкай Flash.
Праграма дазваляе хутка маляваць арнамент разрозненнем да 3000х3000 пікселей і захоўваць атрыманы малюнак на камп’ютар.
Як распавёў «Нашай Ніве» Аляксандр, на стварэнне праграмы яго падштурхнулі водгукі на дызайн сайта katolik-gomel.by. Увесь сайт стылізаваны пад вышыванку, але арнамент рабіўся ў нязручнай праграме. Аляксандр вырашыў спрасціць працэс.
«Па-другое, хацелася неяк натхніць людзей пачуць сябе беларусамі, — дадае ён. — У век інфармацыйных тэхналогій не заўсёды можна дабрацца да стварэння ручніка. А вось нешта прыдумаць і стварыць на камп’ютары можа кожны».
Праграму можна выкарыстоўваць не толькі для вэба: «Гэта можа быць цішотка, кубак, малюнак у кнізе. Таксама можна проста стварыць свой арнамент і размясціць яго ў сацыяльных сетках. Усе справа вашай фантазіі».
Найперш праграма пытае разрозненне будучага малюнка — шырыню і вышыню ў пікселях. Пры маляванні можна абраць колер (трэба ўводзіць код колера, які можна даведацца, напрыклад, тут), схаваць сетку для малявання і межы пікселей у выніковым малюнку.
Шукаць прыклады арнаментаў ён рэкамендуе ці ў кнігах, ці на сайце ornaments.shuma.by.
«Насамрэч, праект не задумваўся як глабальны, але калі ўжо людзі карыстаюцца, буду развіваць — кажа Аляксандр. — Амаль зрабіў захоўванне і вектарны фармат, паправіў шмат недарэчнасцей».
Таксама аўтар праграмы будзе рады дапамозе валанцёраў ці грашовай падтрымцы — тады праграма зможа атрымаць якасныя пераклады, наборы арнаментаў, а тое і ўласны сайт ды версіі для смартфонаў. «Калі сярод чытачоў знойдецца чалавек, які валодае тыпаграфіяй, што друкуе на цішотках і кубках, у мяне есць для яго цікавая прапанова», — дадае ён.
Зацікаўленых Аляксандр просіць пісаць на 2051020@gmail.com.
Для Наталлі кожны акорд, кожная нота – гэта магчымасць падарыць людзям радасць і натхненне, што…
Мы ёсць тое, што мы ямо. Так, вельмі знаёмы выраз, але не меней ёмкі. Наша…
Праект Pet-à-Porter ў Берасці – гэта інтэрнэт-пляцоўка, якая дапамагае сустрэць жывёлу і будучага гаспадара. Фатографы,…
Жывёлы, на наш погляд, не толькі сябры чалавека, але і істоты, якія значна паляпшаюць нашае…
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…