Арганізатары фестывалю “Камяніца” які адбудзецца 5 верасня пад Мінскам пры падтрымцы ААТ “Банк БелВЭБ”, абвесцілі імёны артыстаў, якія выступяць на галоўнай сцэне.
Замежнымі гасцямі фестывалю ў гэтым годзе стануць Dzikie Jablka (Польша), Trad Attack! (Эстонія), “Дримба Да Дзига” (Украіна).
Фолк-фестываль “Камяніца” адбываецца на маляўнічай тэрыторыі Музею народнай архітэктуры і побыту (в. Азярцо, 4 км ад МКАД) з 2009 года. Грошы ад мерапрыемства дапамагаюць музею падтрымліваць найвялікшую ў Беларусі калекцыю вясковай драўлянай архітэктуры XVIII-XX стагоддняў.
Аснову музычнай праграмы, як і ў мінулыя гады, складуць лепшыя беларускія фолк-калектывы. Гледачоў “Камяніцы 2015” парадуюць “Стары Ольса”, “Альтанка”, гамельчукі “Ягорава гара”, а таксама гурт Vuraj, чый дыск “Раёк” сёлета перамог у намінацыі “Лепшы фолк-альбом” на музычных узнагародах Experty.by. Адным з заключных акордаў фестывалю гэтага года стане выступ легендарнага гурта Znich, які грае фолк-метал.
Традыцыйна прадстаўнічым будзе склад замежных гасцей. Упершыню на “Камяніцы” выступіць прадстаўнік Эстоніі – за паўтары гады існавання фолк-гурт Trad Attack! ужо стаў сенсацыяй на радзіме, а таксама зачараваў гледачоў у дзясятку іншых краін, у тым ліку Нямеччыне, Малайзіі, ЗША. Польшчу будзе прадстаўляць калектыў Dzikie Jablka, уладальнік гран-пры прэстыжнага фестывалю Mikolajki Folkowe, які спалучае народны матэрыял з афрыканскімі рытмамі. Украіну – гарачыя фолк-рокеры “Дримба Да Дзига”.
– Фестываль захоўвае дэмакратычнасць, але пры гэтым яго праграма робіцца ўсё больш эксклюзіўнай. На адной сцэне сустракаюцца розныя краіны і традыцыі, розныя гучанні і падыходы да народнага матэрыялу. Гэта асалода для ўсіх – і гледачоў, і саміх музыкаў, – лічыць Алег Хаменка, сябра аргкамітэта фестывалю.
Істотным складнікам “Камяніцы 2015” таксама будзе вялікі кірмаш нацыянальнай культуры з народнымі рамёствамі, танцамі, гульнямі і выставамі. Акрамя гэтага на фестывалі будзе працаваць другая сцэна, дзе будуць выступаць студэнцкія і аматарскія фолк-калектывы. Замовы на ўдзел у кірмашы і другой сцэне прымаюцца да 25 жніўня на адрас kamianica2003@gmail.com з апісаннем, прыкладамі і кантактамі.
Квіткі на фестываль ужо можна набыць праз сайт і касы аператара ByCard. Кошт дарослага квітка 100 тыс. руб., школьнікі да 12 лет – 50 тыс. руб. Дашкольнікі, а таксама наведвальнікі ў поўным варыянце нацыянальнага строю (ад галаўнога ўбора да абутку) праходзяць бясплатна. Час правядзення фестывалю – з 12.00 да 22.00. Інфалінія: (044) 517 08 12.
Па якіх крытэрыях ацэньваецца патэнцыйны працаўнік? Не ў апошнюю чаргу па правільна складзеным рэзюме. Гэта…
Савелій Савянок – вулічны музыка, саліст і электра-гітарыст гурта «Distortion». Сава рознабаковы, цікавы і шчыры…
А вы ведалі, што ў берасцейскіх дварах пачалі з’яўляцца клумбы з лекавымі травамі? Паразмаўлялі з…
Вадзім – вулічны музыка з рэпертуарам больш за 1000 песень, а таксама вельмі творчы і…
Кім яшчэ можа стаць чалавек, у якога лепшым сябрам з дзяцінства быў сабака Пілот, у…
Не ўсе ведаюць прафесію з незвычайнай назвай – доўла. Праца доўлы – падтрымліваць і дапамагаць жанчыне падчас цяжарнасці,…