16-17 ліпеня Гарадок на Беласточчыне ўжо ў 21-ы раз будзе прымаць Фестываль музыкі Маладой Беларусі „Басовішча”, які нязменна ладзіцца Беларускім аб’яднаннем студэнтаў.
Як зазначае старшыня арганізацыі Кася Кузьміч, у гэтым годзе арганізатары спрабуюць скіраваць фэстываль у бок разнастайнасці. Акрамя музычных высупаў запланаваныя літаратурныя сустрэчы, паказ фільмаў Тамары Саланевіч, ды фотавыстава маладога творцы з Беласточчыны Паўла Грэся.
Акрамя таго арганізатары „Басовішча” хочуць ушанаваць памяць беларускай паэтэсы Ларысы Геніюш, 100-гадовы юбілей якой адзначаюць беларусы.
– Прапануем, каб кожны гурт, які захоча выступіць у конкурснай частцы, падрыхтаваў адну песню на словы Ларысы Геніюш. Гэтая ідэя ўзялася адтуль, што ў гэтым годзе святкуем 100-годдзе вялікай беларускай паэтэсы Ларысы Геніюш, і нам падумалася, што якраз такім конкурсам можна было б аддаць ёй пашану, а гэтым самым і пераказаць маладому пакаленню тыя ідэалы, якіх у сваім жыцці трымалася Ларыса Геніюш.
Акрамя таго арганізатары гавораць аб разнастайнасці зместу музычных выступаў, на „Басовішчы” ў гэтым годзе ў якасці гасцей будуць запрашацца прадстаўнікі розных кірункаў беларускай музыкі.
Радыё Рацыя
Ёсць асобы, вядомыя нам з падручнікаў гісторыі і музейных выяваў, а ёсць тыя, што пакінулі…
Пацяплела, і на вуліцы горада выйшлі людзі. Савецкая ператварылася ў людское мора. І толькі гукі…
Вольнага часу ў Ганны Абрамчык амаль няма. Наша гутарка заспела яе ў дарозе, прыйшлося некалькі…
Алена – прадстаўнік зусім не тусовачнага пакалення. Канцэрты ў парку ці ДК – не пра…
Развіццё грамадства вызначаецца тым, як людзі ставяцца да жывёлаў і людзей з абмежаваннямі. На жаль,…
«Ёсць такое цвёрдае правіла. Устаў раніцай, умыўся, і адразу ж прывядзі ў парадак сваю планету»…