У гэтую пятніцу, 23 верасня, цэнтральныя пешаходныя дарожкі Берасця пакрыюцца радкамі з твораў беларускіх аўтараў.
Гэтую акцыю ладзіць агенцтва рэгіянальнага развіцця “Дзедзіч” у рамках гульні “Біржа ідэй”, у якой удзельнічаюць юныя берасцейцы, неабыякавыя да горада і якія мараць зрабіць яго лепш. Штотыдзень каманды падаюць свае добрыя ідэі (дапамога прытулку жывёл, уборка пэўнай тэрыторыі, арт-праект) на галасаванне, і пераможца атрымлівае сродкі на рэалізацыю задумкі і дапамогу ментараў.
“Біржа” стартавала ідэяй-пераможцам, дзе валанцёры прапанавалі ўсім жадаючым Берасця бясплатна паглядзець кіно пад адкрытым небам. Гульня-спаборніцтва будзе доўжыцца 12 тыдняў, і на працягу ўсяго часу ўдзельнікі ў ёй будуць зарабляць балы, каб стаць фіналістамі і прадставіць сваю самую смелую ідэю.
23 верасня чарговая каманда-пераможца ўпрыгожыць вуліцу Савецкую вершамі нашых паэтаў, напісаўшы іх крэйдай на пешаходных дарожках. Час пачатку акцыі ўдакладняецца, але арыентыровачна збор намечаны на 11:30 на скрыжаванні вуліц Гогаля і Савецкай.
“Мы хочам ненадакучліва пазнаёміць моладзь з некаторымі беларускімі аўтарамі і іх творамі, — кажа адна іх удзельніц праекта. — Хай яны ўбачаць прыгожыя і разумныя словы прама ў сябе пад нагамі. Прыходзьце!”
Ёсць асобы, вядомыя нам з падручнікаў гісторыі і музейных выяваў, а ёсць тыя, што пакінулі…
Пацяплела, і на вуліцы горада выйшлі людзі. Савецкая ператварылася ў людское мора. І толькі гукі…
Вольнага часу ў Ганны Абрамчык амаль няма. Наша гутарка заспела яе ў дарозе, прыйшлося некалькі…
Алена – прадстаўнік зусім не тусовачнага пакалення. Канцэрты ў парку ці ДК – не пра…
Развіццё грамадства вызначаецца тым, як людзі ставяцца да жывёлаў і людзей з абмежаваннямі. На жаль,…
«Ёсць такое цвёрдае правіла. Устаў раніцай, умыўся, і адразу ж прывядзі ў парадак сваю планету»…